images

هل طفلك ذكي ذكاء حاد؟

هل طفلك ذكي ذكاء حاد؟



طفلك ذكي  ؟



لو بتسأل نفسك  ابنك ذكي ذكاء خاص ولا ذكاء طبيعي ف المقال ده هيرد علي تساؤلك .



في المقال ده هنعرف علامات الذكاء عند الاطفال و طرق تنميتها



اولا: علامات الذكاء عند الطفل





  • سرعة الاستيعاب عند الطفل : قدرة الطفل علي الاستيعاب و اكتشاف الاشياء اللي حواليه قبل الاطفال اللي في نفس سنه هي علامه من علامات الذكاء



  • فهم و نطق الكلام : الطفل الذكي بيتميز عن غيره ب أنه بيقدر يفهم الكلام اللي بيتقاله في عمر صغير جدا (حوالي 18 سنه) و بيقدر كمان ينطق حروف و كلمات و احيانا كلمتين مع بعض من بداية ال (14 شهر)

  • الذاكره القويه : لو لقيت\لقيتي ابنك\بنتك مثلا بتشاور علي الثلاجه و بتطلب عصير او اكل، او لما بتشوفك ب ملابس خروج بتعيط عليك ف دي علامه من علامات الذكاء و هي قوة الذاكره و ده لأن طفلك متخزن في ذاكرته ان الاكل و العصير مكانهم التلاجه و ان اللبس ده بنلبسه دايما و احنا خارجين

  • التركيز : التركيز و عدم التشتت اكيد علامه من علامات الذكاء و ده بيبان لما تلاقي طفلك مركز في لعبه معينه لفترات طويله او بيسمع قصة ب تركيز شديد و بيسأل اسأله عليها

  • الاختلاف : الطفل الذكي عنده ميول مختلفه و بيهتم ب حاجات الاطفال اللي في نفس سنه مش بيهتموا بيها

  • المزاج السئ : الاطفال الاذكياء مزاجهم بيكون سئ اكتر عن غيرهم لأنهم مش بيناموا كتير زي غيرهم من الاطفال في سنهم، و بيكون عندهم حساسيه زياده من المؤثرات البيئيه و النفسيه حواليهم



ثانيا : طرق تنمية الذكاء عند الاطفال




  • اشعار الطفل بالامان : الكلام ب هدوء و صوت واطي و توصيل احساس الحنان ل طفلك بيساعده علي الشعور بالامان و ده بيوصله ل نتائج افضل في حياته

  • التعليم ب طرق ممتعه : مثل ادخال الاغاني و اللعب في وقت الدراسه بيساعد الطفل علي انه يفهم ب طريقه افضل و بيكون ارجح ان اللي بيحفظه بيكون صعب النسيان

  • الحواديت : واظب\واظبي على حدوتة قبل النوم لأنها بتقوي الرابط بينكم و بتساعد طفلك انه يفهمك و يعرف قصص كتير عن حاجات مختلفه و بتزود خزين المعلومات عنده

  • الخروج : خصص يوم في الاسبوع للخروج و التمشيه لأن ده بيساعد طفلك في التأمل اللي بيقوي عنده الذكاء و بيخليه يسأل اسأله مهمه تنمي ذكاؤه



مش عاوزين ننسى  ان ل كل طفل طبيعه مختلفه و سمات شخصيه مختلفه و معدل نمو مختلف، و مش عاوين نقسى علي اطفالنا لأنهم بيشوفوا العالم من خلالنا

اشهر مقالات كيدز دايريكتوري